السسسسسسسسسسلام عليكم
طبعا اني اعرف انو اكو قسم القصص و الروايات بس اني حبيت الفترة الجاية اطرح قصص هنا حتى نتناقش بيها و طبعا هية من برنامجي المفضل علي على مودك و اعتقد الاغلبية تعرف هالبرنامج و تحبة
اليوم القصة هية انو بنية من عائله متوسطة عمرها 19 سنة بس جانو اهلها متشددين وياها كلش يعني جانت محرومة من هواية شغلات و كاعدة بالبيت الوكت كله
بالصدفة فد يوم خابرها رقم غلط هوة جان شاب و مرة على مرة تعرفو اكثر و عجبتة و عجبها المهم ضلو سوة فترة وراها عرض عليها زواج و بدو يخططون لزواجهم
ورة فترة الولد انكطع عليها و كامرت تخابره و هوة ميجاوب
ورة كم يوم خابرها واحد كاللها اني ابن عمة لحبيبج ترة حبيبج مزوج و عندة بنية و هوة وصاني عليج و كلي ارتبط بيها و عوضها الي اني مكدرت اقدمة الها بس كولها اني صدك حبيتها و اسف حيل لان كذبت عليج هية البنية انقهرت حيل و سدت التلفون بوجة هذا الولد و اتاذت كلش
هوة ضل كل فترة يخابرها و يريد يتعرف عليها اخر شي هية قبلت بي و ارتبط وياه و ضلو سنة تقريبا مرتبطين لغاية ما هية حبتة و هوة همين حبها و اخر شي قرر انو يخطبها و راح كال لحبيبها الاول انو هوة رح يخطبها و يحبها كلش
المهم دز اهله على اهل البنية بس اهل البنية رفضو بنفس اليوم الي تقدملها بي يعني مخلو اعتبار لاهل الولد و رفضو بلا وجع كلب لان هوة الولد جان يشتغل بالفرقة الاولى بمعسكر بالرمادي يعني شوية امكانيتة ضعيفة
هية بوكتها انهارت و انقهرت حيل و هوة همين اتاذى وراها قررت هية وياه انو يبقون سوة لحد ما تتعدل ضروفة المادية
وراها هوة كام يخونها و يومية يرتبط ببنية و هية همين حست انو اسلوبة تغير وياها و كامو يتعاركون هواية
لحد ما اجة فد يوم و كاللها احنة لازم نتعاوف اني مدا اكدر انسى اهلج من رفضوني و ما دا اتحمل هذي الاهانة روحي ازوجي و شوفي حياتج بس رح اضل احبج
هية البنية انجرحت مرتين و دتشوف حياتها مستحيلة و تكول اني رجعت حياتي فارغة
و خابرت على البرنامج تكول شسوي مليت و تعبت و انجرحت هواية معقول حياتي الهة معنى هسة
اني سمعت القصة و انقهرت كلش و حبيت اطرح قصتها هنا
انتوووو شنو رايكم
(تحياتي الكم)